كيف استطاعت سيدة القضاء على واحدة من اخطر عصابات المكسيك | لوحدها

في يوم 23/1 من عام 2014 وبالتحديد في مدينه اسمها سان فرناندو المدينه هاي موجوده بشمال المكسيك وهناك صار حدث غير شكل المدينه المدينه هي اذا مشيت فيها وسالت الناس مجرد سؤال ممكن تختفي وما حدا

رح يسال عنك ما حدا رح يسترجي انه يدور عليك والسبب انه هي المدينه ما بحكمها لا دوله ولا قانون شعار ه المدينه بلغتهم المحليه كان الصمت او الدفن ما كان عندك اي حل يا بتضلك ساكت زيك زي كل الناس يا

اما رح تندفن عصابه لوس زيتا كانت فارضه قانون ممنوع حدا يحكي فيه بالشارع الكل بده يضله ساكت وينفذ اوامرهم فقط اي حدا بينخطف ممنوع انك تحكي او تعمل اي شيء هم اللي بيتواصلوا معك وبياخذوا منك فديه

وبيرجعوا لك المخطوف بهذاك اليوم انخطفت بنت كان عمرها 20 سنه اسمها كارين بنت ت عاديه بتساعد امها بالمحل وبصراحه الموضوع كان اجراء عادي الكل متعود على هيك شيء بهي المدينه البنت انخطفت رح يندفع فيها

فديه وراح ترجع لكن الثمان ثواني اللي انخطفت فيهم البنت كانوا سبب بقلب حياه امها راسا على عقد لانه الام تحولت من انسانه عاديه للغز غير واقع ه المدينه بالكامل لغز العصابه والحكومه صاروا

يتسابقوا عشانه لكن النتيجه كانت كارثيه للي عم بشوفوني لاول مره انا ابو الصادق وبحكي عن كل شيء غريب واغامض على كوكب الارض وكالعاده قبل ما نبلش بدي منك ما تصدق كل شيء عم بصير حواليك قالوا انه

الحرب خلصت وصار فيها هدنه لكننا لا شفنا هدنه ولا شفنا شيء مشان هيك بعدنا مقاطعين ومكملين ولا تخلي هذا الفيديو حتى لو عجبك ينسيك انه ما النصر الا من عند الله اليوم رح احكي لكم قصه سيده عملت المستحيل وقفت

بوجه اقوى كيان بالقاره الامريكيه التفاصيل والاشياء اللي صارت مش متوقع الخطف واعاده الرهينه بعد دفع الفلوس كان شيء عادي ومنطقي لكن صار اشياء اغرب والام كشفت اسرار ما حدا بتوقعها القصه بالفعل

غريبه وبطلتها سيده عجيبه مشان هيك قبل ما نبلش للي طلع لهم هذا الفيديو بالصدفه وما كانوا يعرفونا فحن من عائله مكونه من 5,ون680,000 بني ادم بنحب نعرف كل التفاصيل عن مواضيع غريبه جدا ونتعلم منها الجميع يدعم هذا

الفيديو باللايك ويشترك بالقناه ويفعل جرس الاشعارات والاهم انه يتاكد انه اشعارات يوتيوب شغاله من اعدادات موبايله مشان ما نضي عن بعض ببحر الفيديوهات على الانترنت لانه زي ما بنقول دائما كل القصص وان

تشابهت مش زي لما احكي لك اياها البدايه رب اشرح لي صدري ويسر لي امري واحلل عقده من لساني يفقه قولي اللهم اني اعوذ بك من الكبر في مدينه سان فرناندو

بشمال المكسيك والقريبه من حدود الولايات المتحده هي كانت مدينه جدا غريبه مفهوم الامان فيها معدوم يعني اذا دخل لهي المدينه باص مليان ناس عادي جدا انه الباص ما يطلع منها وكل الموجودين فيه يختفوا

وين كيف ومتى مستحيل انك توصل لجواب الشرط الشريف اول ما يفوت على ه المدينه حياته بعد ايام تنتهي بحفره زملائه هم اللي بخبروا عنه مشان ياخذوا مكافاه من العصابه وبنفس الوقت مشان ما ياثر على شغلهم

تخيلوا انه الصحفي اللي بيسال وين موقع هي المدينه من الخريطه بعد كم يوم بيختفي من قلب بيته يعني انت مش فقط ممنوع انك تعيش ش بهي المدينه كمان ممنوع انك تحكي عنها حتى لو كنت خارجها بهي المدينه الموت مش

خبر الموت عندهم روتين المقابر الجماعيه فيها اكثر من المدارس الجثث اللي من دون اسماء اكثر من الاحياء الموجودين هناك بحسب المصادر الولايات المتحده بتدفع ملايين كل سنه مشان هي المدينه تضل زي ما

هي وتضل رعب لكل بني ادم مكسيكي وبنفس الوقت مشان المكسيكي ضل ممنوع يدخل على الولايات المتحده باخر هذا الفيديو رح اقول لك ليش هي المدينه لازم تضلها بهذا الشكل ورح افهمك ليش ممنوع تدخل على

امريكا المهم هي المدينه كانت تحت حكم عصابه واحده فقط اسمها لوس زيتا هي العصابه خطفت بنت عمرها 20 سنه اسمها كارين زي ما قلنا هذا كان موضوع عادي واجراء روتيني اللي بينخطف هناك اهله

بيدفعوا فديه 3000 دول ومن بعدها بيطلع عادي المضحك والمبكي بالقصه انه الخطف والتسليم ما بم بطريقه سينمائيه ما في سريه ولا في اي شيء غريب ولا من اللي بنشوفه بالافلام اي حدا بينخطف بينخطف

بالعلن وقدام الناس بتروح انت بتسال عن المخطوف فقط بواحد من مراكز العصابه بيقولوا لك هذا المخطوف بالمكان الفلاني وتسعيرته كذا بتروح على المحاسبه بتدفع الرقم وبتاخذ منهم واصل ومن بعدها بتروح

على المكان اللي قالوا لك عليه وبتس استلم المخطوف عادي مش عارف شو اقول لكم لكن التنظيم اللي عندهم يعني يمكن ما تلاقيه بمولات ومحلات المهم بنص هذاك النهار وقفت سياره بيك اب قدام سياره البنت نزل منها اثنين مسلحين صرخوا على البنت وطلبوا منها

تنزل من سيارتها وتطلع معهم وطبعا ما كان عندها خيار ثاني طلعت معهم وبعد هيك سيارتهم اختفت طبعا للعلم قبل عام 2005 مدينه سان فرناندو كانت عباره عن محطه عبور يعني في باصات مسافرين وعمال وطلاب

ومهاجرين كلهم بمروا من هذيك المدينه كل حدا كان بده يفوت على امريكا كان بده يمر من هي المدينه فجاه من دون اي سبب هي المدينه صارت محطه اختفاء قدام الباص على الطريق السريع فجاه بيظهر رجال مسلحين

وجوههم بتكون مغطيه وتعليماتهم واضحه ومكرره بحطوا النساء على جنب وبحطوا الرجال على جنب من بعدها بيعتدوا على النساء وكله بصير قدام الرجال الرجال بيكون عندهم خيار واحد فقط بخلوهم يتقاتلوا مع بعض

بمطارق حديد واللي بضله واقف للنهايه كان لازم ينضم للعصابه اما الباقي فبيشيلوهم وبيدفينوهم بمقابر جماعيه وهذا الموضوع مش اشاعه ولا قصه خياليه ولا مبالغ فيه المقابر الجماعيه حقيقيه وموجوده وفيها

مئات والاف الجثث مدفونين فيها ها المقابر موجوده والكل بيعرف وين موقعها حوالين المدينه المحزن انه الحكومه بتعامل هذا المكان كانه مكب نفايات بحسب بعض المصادر الولايات المتحده لاقت انه افضل حل للحد

من الهجره الغير شرعيه انها تحول ه المدينه لمدينه رعب عشان الناس تخاف وما تفكر بالهجره في حال بدك تهاجر بشكل شرعي او غير شرعي فكان افضل واقصر طريق لك من هناك هو هي المدينه بهي الطريقه هم

بيضمنوا انه ما حدا يمر لعندهم وما حدا يوصلهم على امريكا وعلى فكره هذا مش جواب للسؤال اللي قلت لك عنه بالاول مش جواب لسؤال انه امريكا ليش عملت هي المدينه بهذا الشكل الجواب ابشع واقذر لكن استنوا

شوي رح نوصل لهذا الموضوع ونجاوب المهم الوضع هناك كان شوربه بهذك المدينه تخيلوا الحكومه قررت تعمل حمله مكافحه فساد بواحده من قرى هي المدينه تم القبض على رئيس قسم الشرطه و16 عنصر من اصل 25 هذول

كانوا متورطين باعمال مع العصابه كانوا بيشتغلوا معهم يعني ببساطه هناك اذا انت رايح تشتكي فانت رايح تشتكي للمجرم نفسه الشرطي هناك فرد من افراد العصابه لهيك زي ما قلنا الكل تعلم درس واحد فقط السكوت

السكوت هناك نجاه اذا شفت شيء اعمل حالك مش شايف، اذا سمعت شيء اعتبر حالك ما سمعت، اذا اختفى لك جار رح تقول الله يعينه وبتكمل يومك عادي، وهي بطلت قسوه هي صار اسمها غريزه البقاء الان بدنا نشرح لك

شيء كثير اهم واحلى على فرض انك انت انخطف لك حدا لا سمح الله ورحت عندهم وقلت لهم ما معي ادفع شو بصير؟ تخيلوا رح يقولوا لك كذاب معك مصاري وراح تدفع طب انا فعلا ما معي ليش هيك عم ححكوا لي لانه يا صديقي

البنوك هناك صارت تعطي قروض فديه عفوا نعم انت بتروح على البنك وبتطلب قرض فديه وبيطلع خلال 24 ساعه المضحك انه البنك بتابع لك الشغل مع العصابه يعني بيشوفوا فعلا اذا لك مخطوف عندهم وبتاكدوا كم

المبلغ اللي طلبوه منك وبرتبوا الامور مع العصابه بانهم هلونا كم يوم لنخلص له الاجراءات ونعطيه المبلغ اللي مش قادر افهمه انه العصابه هي لهم حسابات بهذا البنك يعني التحويل رح يكون رقمي البنك ما

رح يعطيك كاش بايدك وتروح انت تعطيه للعصابه لا هم بحولوا الكاش على رقم حساب العصابه يعني كانك عم تشتري بيت او سياره طيب على فرض انك انت ما بدك تاخذ قرض وقلت لهم انا ما بدي المخطوف رح يقولوا لك عادي

لكن تحمل اذا بتقدر تتحمل المخطوف بينقتل وبيشوهوا لك اياه وبيبعثوا لك جزء منه اما الباقي فبيدفنوه بمقبره جماعيه واذا انت كمان مش متاثر وراح تقول الله يرحمه انا ما كان بدي اياه فبرضه ما رح تخلص منهم

لانه وانت قاعد ببيتك رح تيجي سياره وتخطفك رح ياخذوك من بيتك وقدام كل جيرانك ولانك رفضت تاخذ مخطوفك رح تضل تتعذب شهر كامل ويا اما تبعث حدا من اهلك ياخذ قرض ويدفع لك 10 اضعاف المبلغ اللي طلبوه منك

يا اما راح تنقتل طيب الشيء اللي صار مع ميريام رودريجز كان مختلف تماما ميريم هي امها لكارين اللي انخطفت لما تاخرت بنتها عن المحل سالت عنها لكن ولا حدا جاوب راحت للمكان اللي انخطفت منه سالت المحلات

والعالم لكن ما حدا جاوبها ليش؟ لانه ممنوع هذا الموضوع اثر بميريم بشكل كبير انه لهالدرجه الخوف من هذول الناس لكن هي ما كان عندها حل كانت بدها تدفع الفديه عشان ترجع بنتها اتصلت بابنها لويز اخوها

لكارن قالت له اختك مخطوفه وبدنا فلوس مشان نطلعها قالت له انه محلها بطلت يطلع فلوس زي اول وانه هي ما معها تدفع الفديه عشان ترجع البنت في حال ما دفعت بالوقت المحدد مش فقط رح تخسر بنتها رح تخسر كل

شيء ابنها لويز كان مهاجر غير شرعي بامريكا وللاسف الزلمه ما كان قادر ولا معه 3000 دولار مشان يدفعهم فديه لاخته فاعتذر من امه وقال لها دبري حالك يمكن ادبر لك شوي ميريام بهذ اللحظه كانت عم

تتعرف على منظومه المدينه لاول مره بنت عمرها 20 سنه انخطفت من نص الشارع الناس ما حكوا ولا حرف ولا ساعدوها لحالها استنتجت انه العصابه خاطفين البنت ابنها ما كان معه فلوس بالتالي ما كان في عندها

حل الا انها تدفع الفديه المحزن بالموضوع انه ميريام تعذبت بحياتها وعملت كل شيء مشان اولادها بالزمنات كانت تاركه بيتها وراحت تشتغل مربيه اطفال بامريكا مشان تطعمي اولادها اشتغلت بهي المدينه بكثير

مهن عشان تربي اولادها اخر شيء كانت عملته انها فتحت محل لبيع جزمات روعات البقر والمحل مش كثير بطلع فلوس بنتها كارن ما سافرت ولا تركت المدينه زي اخوها من مبدا انه امنا ضحت كثير مشاننا فانا اكيد ما رح

اتركها وامشي لكن للاسف قرار البقاء هذا وصلهم لمكان غير متوقع لانه عمليه الخطف تبعتها كانت عباره عن ثمان ثواني فقط بثمان ثواني فقط تم اختطافها وانقلبت حياته الموضوع كان سريع بشكل جدا رهيب

وكان قدام الناس اللي ما كانوا قادرين يحكوا ولا حرف المهم ميريم بلشت باجراءات القرض مشان تطلع بنتها لكن صار شيء غير متوقع العصابه تواصلوا مع ميرم وقالوا لها بالحرف بنتك معنا واذا بدك تشوفيها عايشه

اعملي اللي بنحكي لك اياه وهون في شيء جدا غريب بالعاده الموضوع بيتم بشكل روتيني يعني لو بدي اطلعها بروح انا على البنك وهم اللي بيتواصلوا معكم ليش هي المره انتم تواصلتوا معي كمان شوي رح تعرفوا ليش. المهم تواصلوا معها قالوا لها بنتك

حلوه وبدنا اياها تشتغل معنا لكن اذا انت مصره وبدك اياها ترجع فاحنا بدنا 10000 بدل 3000 المهم ميريام قالت لهم لا انا رح ادفع لكم المبلغ ما بدي اياها تضلها معكم امهلوني كم يوم زياده لانه المبلغ اكبر

راحت باعت كل شيء بتملكه كان عندها سناره ذهب سياره وتداينت وابنها بعث لها شوي واخذت قرض من البنك ولمت المبلغ بالموعد المحدد العصابه تواصلوا معها قالوا لها كلمتين جمعتي المبلغ قالت لهم اه قالوا لها

بتروحي بتحطي الفلوس جنب المستوصف المهجور ومن بعدها بتروحي للمقبره وبتستني بنتك هناك بالفعل راحت مريم للمكان اللي حكوا عنه وحطت الفلوس ومن بعدها راحت على المقبره وقعدت تستنى بنتها لكن برضه في

شيء مش طبيعي ليش هي الاجراءات الموضوع طول عمره اسهل وابسط من هيك بتقول مريم انها قاعده تفكر معقول انا تحديدا عملوا معي هيك لانه بنتي حلوه المهم راحت وقعدت ساعات وساعات لا تليفون ولا صوت ولا البنت

بينت طلع الصبح والبنت ما رجعت المهم بما انه ميريام عملت اللي عليها ودفعت الفديه فخلاص لازم زيها زي اي حدا تستلم بنتها لكن ما استلمت فراحت هي تواصلت مع العصابه العصابه اللي موجودين بم مدينتها اللي لهم

مقرات قالت لهم يا جماعه وين البنت؟ فالجماعه قالوا لها بكل صدق ما عننا هيك اسم طيب مين اللي خطف البنت؟ قالوا لها يبدو عصابه ثانيه طب والحل شو اعمل يعني قالوا لها نحن ممكن نساعدك لكن هذا الموضوع بكلفك 2000 دولار قالت لهم الان

ما معي هذا المبلغ لكن مستعده اخذ قرض مشانه لكن الوقت ضيق ولحد ما يطلع المبلغ يمكن بنتي تتعرض لاذيه قالوا لها ما عندك حل ثاني روحي خبري الشرطه واحن بننسق معهم يا جماعه هذا الكلام موثق ومش من عندي هيك

بالضبط كان عم بصير بهديك المدينه متخيلين قديش الموضوع منظم كان في قسم خدمه عملاء يحلوا مشاكل العميل المهم راحت للشرطه وخبرتهم انه في عصابه مجهوله خطفت بندها المفارقه انه الشرطه تعاملوا مع هذا

الموضوع بجديه رهيبه ليش لانه ممنوع تدخل عصابه جديده على الخط الشرطه مهمتهم انهم يحموا مصالح العصابه اللي بيشتغلوا معهم عصابه لوز زيتا المهم الشرطه وعدوها خلال ايام رح يتواصلوا معها وبالفعل بعد يومين كلموها

رن لها واحد اسمه سامه قال لها عم بحكي معك عشان تدفعي لي ال 2000 دو وخلال ايام رح اعرف لك وين بنتك وارجع لك اياها بالفعل دفعت له ال 2000 يوم ورا يوم وهي على تواصل مع ساما بالاخير عرف مين خطف

بنتها وعرف كيف ولوين تم نقلها بعد شهور من البحث المتواصل سامع خبر مريم قال لها لقينا بنتك تفضلي معنا مشان تستلميها في معي وشاح لونه بنفسجي قال هذا الوشاح لبنتك وقال انت اشتريتيه لبنتك هديه بعيد

ميلادها قال لها هذا الوشاح اشاره المهم ميري طار عقلها من الفرح لانه فعلا الكلام اللي حكاه صحيح وخلص رح تروح مشان تستلم بنتها المهم طلعوا على مزرعه مهجوره كانت موجوده على اطراف المدينه المفاجاه كانت

انه بنتها كانت هناك بالفعل موجوده بالمزرعه دخلوا على الارض وهناك شافت بنتها لكن للاسف شافتها جثه داخل حفره كبيره الجثه كانت متحلله وتبين انها من لما دفعت الفديه تم قتل بنتها ودفنها

بهي المقبره الجماعيه سام كيف قدر يوصل للجثه كيف وصل للوشاح البنفسجي وكيف عرف قصته هي التفاصيل عرفتها مريم بعد شهر من لحظه عثورها على جثه بنتها لانها لما شافت بنتها اغمى عليها ووجعت فوقها بتقول مريم

انه ساما لما شافها ووجعت قال لك بلاش ما انفخ قلبي معها خليني ادفنها بالتراب مع بنتها وينتهي الموضوع وبالفعل بلش يكب عليها التراب لكن مع التراب وهو بيجي على وجهها صحيات وهو باخر لحظه غير عقله قال

لك هي البني ادمه مسكينه وما عملت شيء غلط وكانت متعاونه ودفعت لنا كل شيء فليش تموتيه كمان خليني اطلعها من هون وبالفعل وقف وبطل يكب عليها تراب وطلعها من بعدها راحت للمستشفى لانه كانت حالتها جدا صعبه

سامشتغل وسيط بين الشرطه والعصابه لو تلاحظ الانسانيه هناك معدومه تماما بكل شيء بعد شهر ميريام رجعت لحالتها الطبيعيه وتواصلت مع ساما كمان مره قالت له في مجال تحكي لي من وين عرفت كل التفاصيل اللي

عرفتها قال لها لما سالنا وبحثنا عن الموضوع تبين انه في عصابه موجوده بمدينه ثانيه اجوا خطفوا وبنتك ورجعوا على مدينتهم لما بعثتي لهم الفديه اخذوها من عند المستوصف بشكل طبيعي المستوصف المهجور

اللي انت تركتي الفلوس عنده لكن هم واجهوا صعوبه بنقل بنتك للمقبره مشان انت تاخذيها البنت بهذاك الوقت كانت حيه ترزق لكن الصعوبه اللي واجهوها انه عصابه لوز زيتاس هم المسيطرين على المدينه كانوا عاملين

حواجز بكل مكان بالتالي ما قدروا يدخلوا على المدينه وبدل ما يحاولوا يفوتوا لك بنتك لعند المقبره زي ما اتفقوا معك قتلوها ودفنوها بالمزرعه اما كيف عرفت بقصه الوشاح البنفسجي فهي المعلومه عرفتها وانا عم بدور لاني وصلت للشخص اللي سجنها

وقتلها هو اللي قال لي انه بيعرف البنت واكد لي انه هي كانت معه من موضوع الوشاح قال انه بنتك كانت قايلت له على موضوع الوشاح انه انت جايبتي لها اياه هديه بعيد ميلادها فالسجان بعد ما طخ عليها وقتلها

احتفظ بالوشاح كذكرى لما انا كنت بدي اتاكد انه هي البنت هي اللي بندور عليها ولا لا اعطاني الوشاح وخلاني اسالك مشان اتاكد اذا هي البنت ولا لا بتقول مريم سامحكي لي كل هي التفاصيل ببرود عجيب كانه

قاعد بيحكي لي قصه عاديه بتصير معهم كل يوم ولا كانه عم ححكي عن عصابات عن دمه عن بنت انقتلت من دون اي سبب المهم مريم بتقول انا حكيت له طيب الان لو محلي انت شو بتعمل فقال لها سكري على الموضوع واعتبري انه القصه انتهت واذا ما عجبك

الكلام فاحن بنعرف كيف نتصرف معك فهي قالت له لا شكرا بكل لطف سكرت على الموضوع وراحت وهي تبكي ما كان طالع بايدها اي شيء لتعمله وهون من هي اللحظه بدات القصه الحقيقيه معقول هيك بصير معقول ما في اي

سلطه بالعالم تحاسب هيك مجرمين لمتى رح تضل عصابه لوزتاس مسيطر على كل شيء بهذا الوقت مريم كانت خسرانه كل شيء فلوسها وبنتها وعمرها اللي ضيعته وهي عم بتكافح وتربيهم عاهدت حالها بهذك اللحظه انه هي

خسرت بنتها وعمرها وفلوسها وكل شيء بحياتها فما في شيء تخاف عليه قالت ه المهزله لازم تنتهي وانا رح اكون السبب بانتهائها وبالفعل بلشت الاحداث من ه اللحظه تتسارع وتمشي بشكل غير متوقع بعد

هذا الموقف نشفت دمعتها وقالت ما بتذكر اني بكيت من بعد هذيك المره ولا مره بحياتي اول شيء عملته انها غيرت شكلها قصت شعرها صبغته وغيرت شكلها بالكامل حتى مشيتها غيرتها طبعا هي عملت هيك لتسببين

الاول انه الشخصيه القديمه اللي بتترجى وبتطالب بحقها وبنتها ماتت وانولدت شخصيه جديده والثاني عشان هي تقدر تتجول بين الناس وتجمع الادله بدون ما حدا يعرفها تخيل انها عاهدت حالها بانه مستحيل تخلي

واحد من افراد العصابه عايش بعد هذاك اليوم الكل بده يموت لكن فكركم قدرت تعمل هذا الشيء والله اكتبوا لي توقعاتكم بالتعليقات الان مشان لما نوصل للنهايه تشوف حالك توقعت صح ولا غلط اول شيء عملته مريم انها بطلت تظهر بالحي كانت تطلع من

بيتها الساعه السادسه صباحا قبل ما يطلع اي حدا من بيته كانت تمشي بين الناس وكان معها دفتر صغير بتسجل عليه ملاحظاتها كانت تسمع اكثر من ما تحكي كانت تسال اسئله غبيه مش اسئله بتخوف كانت تقول مين ساكن هون مين فاتح محل جديد ليش انتقل اصحاب

هذا البيت هي الاسئله كان الهدف منها تشوف وعي الناس اتجاه العصابه اكتشفت انه الناس كانوا يجاوبوها عن اسئلتها لانهم مفكرينها بتشتغل مع العصابه البني ادم العادي ما كان يسترجي يسال عن هي التفاصيل خوف الناس كان يخليهم يجاوبوها المهم بلشت تطور

علاقتها مع الناس صارت تتنكر وتقرب منهم اكثر مره تاخذ دور متطوعه بالكنيسه مرات ثانيه دور موظفه صحه جاره فضوليه امراه وام مكسوره ومرات تعمل حالها عضو بالعصابه وعم تتفقد الوضع اول اسم كان يضل

يطلع بوجهها اسم سامي وسعت بحثها وصارت تدور على الفيسبوك دخلت على حساب سام وجمعت كل شيء عنه صور تعليقات علاقات كانت تقعد وراء شاشه اللاب توب بالساعات كانت تدقق وتطابق الوجوه كان

هدفها تجمع كل الادله والوثائق مشان ترفع الملف لجهات رسميه اكبر من المكسيك ظلت تدور لحد ما شافت صوره شاب واقف بمحل بوظه حفظت شكله وحفظت موقع المحل وركبت سيارتها وراحت للمدينه الثانيه وقعدت قدام المحل

يومين اسبوع ولا حركه بعدها ظهر نفس الشخص ميريام ما قربت ولا سالت عنه لكنها لحقته عرفت طريق بيته ومن بعدها بلشت تسال عنه جيرانه لبست دور جديد موظفه صحه دفتر وقلم

وابتسامه لطيفه دقت على الابواب وبطريقه ذكيه جمعت كل معلوماته اسمه الكامل عنوانه رقم سيارته هي المعلومات الشرطه ما كانت تعرفها عرفت مين عناصر الشرطه اللي بيساعدوه وبيشتغلوا معه جمعت كل ه

المعلومات حطتها بملف واحد وطلعت على العاصمه راحت لمركز الشرطه الفيدراليه قالت لهم هذا هو البني ادم اللي قتل بنتي وهي معلوماته بالكامل كل المعلومات كانت موفقه وحقيقيه طيب كيف عرف عرفت انه هذا اللي قتل بنتها من الوشاح اللي لونه

بنفسجي الشب هذا كان رابطه على رقبته وايده باكثر من صوره واكثر من مكان وبما انه الوشاح صار معها فمن خلال فحص الدي ان ايه المفروض انه يكون الدي ان ايه تبعه موجود على الوشاح هذا كان افتراضها هي

يعني هي قدمت الادله ومعها الدليل يا بطلع صح يا بطلع غلط لكن قالت انا عملت اللي علي انا شكيت ومتاكده انه هو الصادم بالموضوع انه ليث بوت الادله وصحتها صدر

امر توقيف بحق هذا الشب لكنه هرب وما حدا قدر يمسكه لكن ميريام شطبت اسمه من القائمه وانتقلت للي بعده ميري فهمت اللعبه ما كانت تركز على الهدف كانت تركز على دائره الاقارب والجيران والكنيسه

والدكان الناس اول ما تخاف بتبلش تحكي مشان هيك كان من السهل تاخذ اي معلومه منهم كل حدا كان ضمن من دائره تحقيقها كانت تخوفه بانه هي بتشتغل مع العصابه وتاخذ المعلومات اللي بدها اياها السؤال اللي بيطرحها له ميريم كيف هيك تحولت فجاه

يعني كيف فجاه تغيرت من سيده فقدت بنتها وبتشتغل ببيع الاحذيه لمحققه اسطوريه قدرت توصل لقاتل بنتها ميريم بحكم انها كانت موجوده بمدينه حدوديه بتهرب الناس بشكل غير شرعي لامريكا بالزمنات اشتغلت بتهريب

الناس ضمن فريق حسب ما فهمنا هذا الشغل بيعلم الناس مهارات جديده فحص طريق تعامل مع الناس تزوير وثائق واوراق جوازات سفر مضروبه تزوير اسماء كانت تطلع مع المهاجرين لامريكا وتجتمع مع عصابات

التهريب هناك ليش؟ بهدف تيسير امور المهاجرين الغير شرعيين اللي هي مهربتهم يعني بتقدر تقول شغلتها ما كانت بالتحقيق شغلتها كانت بالهروب من التحقيق بالتالي هي اكثر واحده عارفه الطبخه لما صارت هي

محققه وصارت تجمع معلومات الموضوع كان اسهل لها الموضوع كله بلش من حساب على فيسبوك من عنده وصلت لصاحبه لحد ما وصلت لقاتل بنتها ميري كان بدها تسلم الكل لكن هذا الوحيد اللي كان معلش يهرب لانه هي

كانت ناويه تقتله المهم كل اسم كان يفتح باب وكل باب يفتح اسمين ميريام كانت تمشي بهدوء ورواج وبطا مش مهم انت راح تخلص لكن المهم انه رح يجي يوم وتخلص الملف بالكامل مره موظفه تعداد ومره موظفه توزيع اكل مره

ممرضه عم تسال عن مريض كانت المهم تجمع معلومات وتسلمهم للشرطه الفيدراليه الشرطه الفيدراليه كانوا شرفاء وكانوا فعلا يجوا يقبضوا على الشخص اللي ملفه تسلمهم اياه ميريم هون العصابه انجنت مين اللي عم

بمسكنا مين هذا اللي قادر يطلع من حدودنا ويروح للشرطه اللي بالعاصمه العصابه مضبطين وضعهم بالمدينه لكن بالعاصمه صمه الموضوع مستحيل مشان هيك كل حدا كانت ميريم تسلم ملفه كانوا يقبضوا عليه تخيلوا انه الموضوع كبر لدرجه انه صار في حرب

شوارع بالمدينه افراد العصابه بينهم وبين بعض وبين شرطه المدينه الكل كان عم بيخون الكل والكل بيضرب الكل مراكز تسليم الرهائن تسكرت مراكز دفع الفديات تسكرت العصابه بلشت تتخبى عناصر الشرطه اللي

كانوا يشتغلوا معهم بلشوا يهربوا لامريكا الموضوع صار جد السلطات المكسيكيه كانت عم تتعامل مع الموضوع بحزم وهدوء طيب ليش من قبل ما كانوا محركين هذا الملف؟ لانهم ما كانوا قادرين يخترقوا المدينه بالتالي ما عندهم اي دليل ما بيقدروا يقبضوا على حدا

من دون ما يكون في عندهم ملف كامل له وتهمه وادله ميريام عملت الشيء اللي مادا كان قادر يعمله تخيلوا في واحد من المطلوبين هرب على مزرعه بايده الكل قال انه اختفى لكن هذا الشخص كان هو شريك بعمليه خطف بنتها يعني هذا ممنوع يهرب كيف

بدها تعرف وينه عرف عرفت المنطقه اللي هرب عليها صارت تطلع عليها وتوقف سيارتها بنص الشارع تعمل انها هي خربت يجي واحد ولا اثنين يساعدوها يظلهم يحاولوا يشغلوا السياره وهي تفتح حديث وتسكر حديث تسال اذا في حدا غريب اجا على هي المنطقه وفعلا

وصلت لمعلومات وعرفت المزرعه اللي متخبي فيها الشرطه تسللوا واقتحموا المكان واخذوه واحد ثاني كمان راح تخبى بقريه متطرفه عند صديقه الاثنين كانوا يشتغلوا بنفس العصابه ميريام راحت للكنيسه حضر قداس ووزعت فطائر ظلت تروح لمده اسابيع

وتتعرف على الكل هناك وعلقت براسها جمله قالتها واحده من الحاضرين قالت اللي مستاجرين بيتي شبين ما بيطلعوا الا بالليل بعد ساعه الشرطه داهمت البيت واعتقلوا الشبين هذول اللي كانوا هاربين من ميريم كمان واحد ذكي كان مغير اسمه وشكله لكنه

ما غير عاداته ميريم بسبب شغلها بهذا الملف تعلمت معلومه جدا مهمه وعبقريه كانت تقول دائما المجرم ممكن يغير كل شيء الا عاداته العاده خيانه وهي فعلا معلومه حقيقيه وجدا مهمه كلمه العاده خيانه

بتتدرس بالجامعات والمحققين بيعرفوها سالت عنه وعن عاداته واحد من جيرانه قال انه بيسوق سيارته بسرعه جنونيه بحب ينزل بالحفر ويطرطش المي على الناس كانت تروح على شارع من الشوارع تعبي الحفر مي وتقعد

على طرف الشارع تتفرج ثلاث شهور لحد ما مرق واحد من قدامها عمل هي الحركه حفظت رقم السياره بحثت ودورت اسبوع كامل ووصلت لبيت بنفس اليوم هذا الشب كان بالسجن عند الشرطه الغلط اللي عملوه العصابه انهم

تفرقوا مشان هيك كانوا لقمه سهله بالنسبه لمريم وللشرطه الكل انقبض عليه والكل تدمر ولا واحد كان بيتخيل انه نحن اللي مخوفين كل العالم واحده عمرها 50 سنه لقطتنا واحد ورا الثاني سكان المدينه بلشوا يحسوا انه

القيود عم تتكسر مع عام 2016 نشاط العصابه انحصر بشكل رهيب المعطيات كلها كانت بتقول انه العصابه انتهت كل هذا والقصه ما حدا عارف فيها مين اللي عمدل العصابه بهذا الشكل ما حدا عارف مطبخ ميريم بالبيت كان

عباره عن وكر اوراق ملاحظات ملزقه على الحيطان ملفات وصور ومحادثات ومليون شغله بيوم من الايام وصلت لمين؟ وصلت لسامه قالت خلاص هذا صار وقته دورت وفتشت وعرفت

بيته راحت لعنده ودقت عليه الباب فتح سامه قلبها كان رح يوقف لانه هذا البني ادم كان نقطه ضعفها الغريب انه هو ما عرفها قالت له انا موظفه استطلاع رايي سالته شويه اسئله ومشيت بعد ساعه تم القبض عليه نعم

لكن ساما كان غير الكل ساما بعد ما انقبض عليه اول مكالمه حكاها مع المحامي قال له خبر جماعتي انه اللي عم بيشتغل كل هذا الشغل فينا سيده عمرها 50 سنه وفي الغالب انا بعرفها وهون بلشت العصابه تلعب نفس

لعبه ميريم صاروا هم كمان يدوروا عليها مين هي اللي عم توصل لكل رجالنا ومعلوماتنا بهذا الوقت ميريم كانت شاطبه من دفترها تسع اسماء الاثنين اللي قتلوا بنتها اسامه وسته يعتبروا من اخطر افراد

العصابه كان ضايل عليها اسم واحد في حال تم القبض عليه بتفرط المسبحه كلها كان ملفه جاهز والادله كلها عندها كان ضايل انها تعرف وينه فقط بهي الفتره الناس صارت تحكي وترقص بالشارع العصابه اختفت

والاسطوره زالت الخوف تحول لفرح وصار في حفلات بالشوارع العصابه راحت والمدينه رح ترجع لايامها القديمه الفضل كله لمين؟ لواحد مجهول وللشرطه الفيدراليه وهون صار شيء مع ميريم شيء خلاها تحس انه القصه

انكشفت وانه حياتها بخطر سياره مرت من قدام بيتها اكثر من مره في واحد كان واقف بعيد الزياده عن اللزوم كان معاه كاميرا اجت لتتواصل مع الشرطه الفيدراليه كان الاتصال من عند بيتها مقطوعه طب والحل دقت على جارتها وقالت لها بتلبسي بروكه شجره

وبتيجي لعندي على البيت مباشره اجت الجاره لعندها وخلال دقائق قالت لها بدلي مع اللبس اعطيني الباروكه بدلوا باللبس وهي حطت الباروكه قالت لها خليكي بالبيت 10 دقائق وبعدين ارجعي على بيتك وميريم طلعت

من البيت راحت على بيت جارتها واتصلت بالمحقق اللي هي عم تشتغل معه وخبرته قال لها رح ابعث لك سياره تاخذك تواعد معها بمكان وميريم طلعت من بيت جارتها وراحت للمكان اللي تواعدوا فيه طلعت مع الدوريه وراحت على مركز الشرطه الفيدراليه الدنيا

هناك امان وهم رح يحموها لكن لحظه رح يحموها يوم يومين لكن مش على طول فشو عملت مريم انتقلت لتعيش بمدينه ثانيه وقالت لك من هناك برجع بشتغل من جديد على مهلي صارت تنام وهي حاطه سلاح قريب منها تطلع وتفوت

وعيونها على كل شيء صحيح ما ظل خطر لكن الحذر واجب بالذات انه كان ضايل شخص واحد هو الفيصل بكل شيء في حال انقبض عليه بينتهي الموضوع وفي حال نفد ففي عليها خطر والعصابه رح ترجع ظلت مريم تدور عليه اربع

شهور لكن عبث ما قدرت توصل بمره من المرات طلعت على السوق لتشتري اغراض رجعت على بيتها وحست في شيء غريب دخلت على البيت وتفاجات انه البني ادمي اللي هي عم بتدور عليه كان قاعد جوا بالسناعه ميرم ما حكت ولا حرف هو قال لها بما انه راس الافعى

سليم فالجسد بالكامل سليم وللاسف هي كانت اخر جمله بتسمعها ميريم طخ عليها ثلاث رصاصات وطلع من البيت قتلها واختفى مين هذا البني ادم هذا كان زعيم عصابه لوز زيتا اللي لو قدرت ميريام تلقطه وتوصل

الشرطه له كان انتهت العصابه اما هي الجمله كيف عرفناها بالرغم من انه ميريام ماتت فهم اللي نشروها وهم اللي قالوا هذا اخر شيء سمعناه لميريم قلنا لها راس الافعى سليم ولن نتاثر يقال انه بهي

الفتره ميري كانت متزوجه من باب التمويه عشان توحي للناس انه هي بني ادمه طبيعيه وعايشه بشكل مسالم يقال انه هي كمان لما شافت زعيم العصابه طخت عليه لكنه ما مات في كثير روايات عن الموضوع لكن الروايه

المؤكده اللي العصابه قالوها انهم طخوها ثلاث رصاصات بعد ما قالوا لها اللي قالوا لها اياها تخيل انها بعد ما ماتت السلطات قررت انها تعرف عن ميريم الصحف الرسميه نزلوا خبر بعنوان ميريم رودريز ماتت

وانتهى الموضوع الملف انطوى والعصابه رجعت لنشاطها المدينه رجعت اسوا من قبل السلطات عملت شويه اجراءات لكن كل شيء على الفاضي ميريام ماتت والملفات اللي كانت معها اختفت بعد سنه قصه ميري تحولت لقصه اسطوره

وحفزت الكل صاروا يطلعوا النساء بمظاهرات ويطالبوا بالعداله الناس عملوا لجان للحمايه كل واحد بينتمي لهي العصابه صار ينطرد من الحي الحكومه اتخذت اجراء صارم وقرروا ينهوا العصابه بشكل كامل المفاجاه كانت بعد حمله مدتها خمس شهور راس الحيه

انمسك يقال انه تم تصفيته على الطريق قبل ما يوصل لعند المحققين لانه كان في معه ملفات واشياء ما بصير انها تطلع للعلن لحد اليوم ظل اسمه سر العصابه انتهت اهل المدينه زاروا قبر ميريم وكرموها لانه هي

اللي كانت سبب بكل شيء الان اللي بدي اياكم تعرفوه انه العصابه كانت جدا قويه لانها كانت مدعومه من بلد مجاور بمنع هجره المكسيكيين واذا عرفتوا مين هذا البلد اكتبوا لنا بالتعليقات ليش ساعدت الولايات

المتحده على بقاء ه العصابه عشان تضل المكسيك خراب ويضل عند المواطنين حلم الهجره لامريكا طب ليش بدهم هذا الحلم يضل عند المواطنين وليش بدهم المكسيكي يجي بشكل غير شرعي لانه يا صاحبي اللي بيروح

بشكل غير شرعي بيشتغل بتراب الفلوس هل تعلم انه امريكا بتوفر سنويا 1.2 2 تريليون دولار فقط من المهاجرين الغير شرعيين لانه هذول بيشتغلوا بمقابل اي مبلغ لهيك ضروري يضل عندهم الوضع جحيم وضروري

انهم يجوا لعنا بشكل غير شرعي مشان يشتغلوا بالرخيص بهي الطريقه نحن بنضلنا متفوقين والغريب انه رغم كل ه الملايين والدعم ميريام قدرت توقف بوجههم بالفعل قدرت تقضي على ه العصابه وعلى امل انه

العصابات ثانيه كلها تواجه نفس المصير والمكسيك تتحرر من الوضع السيء اللي هم عايشين فيه. ها كانت قصتنا لليوم بتمنى تكون عجبتكم اذا كنتم مهتمين بالقصص الغريبه اللي بتشبه هذا الفيديو بنصحكم تشوفوا فيديو ما الذي حصل في ليله راس

السنه من عام 2003 في تشابه رهيب بين القصتين هذيك القصه كمان مش متوقع بالمره احكوا لي رايكم بالتعليقات مين حس انه ميري فعلا وقفت بوجه العصابه والولايات المتحده ولا الحكومه هم اللي عملوا كل هذا

الكلام لانهم شافوا انه الامور زادت عن حدها رح اشوف كل تعليقاتكم انا ابو صادق سلام وبشوفكم بفيديو