القصة ومافيها | الجزء الثاني | تريندات تريندات #القصة_وما_فيها_ #ريهام_عياد

المخدرات هي قافه العصر حرفيا في العالم كله واحنا اتكلمنا عليها كتير بس كان لازم نوعي الناس بالانواع الجديده اللي مغرقه الدنيا بين الشباب ايشي شابو واشي كريستال ماس واشي حفلات خبط وتكنو بيضربوا فيها والعيال بتضيع فكان لازم نعمل حلقه ادمان

المخدرات وعينا اهالي كتير ازاي ياخدوا بالهم من عيالهم والامهات فعلا كانت بتجيب عيالها وتفرجهم على الحلقه عشان يعرفوا ويفهموا الخطر اللي حواليهم وهم كمان ياخدوا بالهم من نفسهم وده اللي خلاني بعدها عملت حلقه ابتزاز على السوشيال ميديا لما شفت كم البنات اللي بينتحروا

بسبب شباب بيبتزوهم بصور مش ولا بد ليهم وهي اصلا معموله بالذكاء الاصطناعي والحلقه واضح انها وجعت ناس كتير عشان كده الحلقه جابت 17 مليون وده اللي شجعنا اننا نتكلم عن اهم ملف الادويه المخشوشه واللي كنا عايزين بس نقول فيها للناس ما تشتروش

الدواء غير من مكان موثوق فيه وازاي تفرقوا بين الدواء المخشوش والدواء الاصلي بس واضح اننا زعلنا ناس كتير لدرجه انه اتعمل عمل علينا حمله مدفوعه على السوشيال ميديا كلها البوستات كانت بتتنقل نقل من اكونت للثاني واتهامات بالخيانه والعماله

وان الجهات اللي عايزه تخرب البلد بيسلطوا عملائها يعملوا اشاعات مدمره والمفروض بقى اننا عملائها [ضحك] بس شغل اللجان ده احنا عارفينه كويس وانا عارفه مين اللي عاملها بس وماله اصل احنا لما بنفتح ملف بنبقى عايزين نفيد لاننا مش

مستفيدين حاجه خالص لكن المستفيدين من العكس كتير واحب اقول لهم ويمكرون ويمكر الله والله خير الماكرين وعند الله تجتمع الخصوم وعلى قد ما كان السيزون ده بادئ بحلقات صعبه ومؤلمه وتخوف وعلى قد ما نزلت

حلقه هو العالم اتجنن ولا ايه وانتم اتجننتوا عليها ووصلتوها ل 25 مليون فيو والحلقه كانت تجنن فعلا لانها وريتنا اغرب عادات الشعوب في كل حاجه في الجواز الموت النظافه وحتى الاكل وعلى الاقل ما طلعناش احنا الوحيدين اللي بناكل فسيخ في ناس

بتاكل انتم من كده بكتير لكن برده لما عملنا حلقه اشهر مدمنين القمار واتكلمنا عن فنانين وزعماء كانوا مدمنين قمار في ناس زعلت مننا قوي وقالوا ازاي تقولي عند سعد زغلول مدمن قمار بس لان هم ما بيقروش فما يعرفوش ان سعد زغلول نفسه هو اللي

حاكي ده في مذكراته بالتفصيل واكيد ما كانش عامل ده عشان يفضح نفسه يعني لا هو كان فاهم كويس ان قدوه الاجيال جايه هيقراوا ويعرفوا ان القمار دمار واحنا عملناها من المنطلق ده وده يرجعنا حلقه مهمه جدا عملناها يوم 27 نوفمبر 2024 لعب

القمار على النت اللي خرب بيوت ناس وسجن ناس وموت ناس بالحسره وناس ثانيه انتحرت ودي مش قصص احنا بنحكيها عشان نسليكم لا احنا بنوعيكم ودايما هفكركم ان التاريخ عمره ما كان سير اموات زي ما ناس كتير

بتقول التاريخ دروس بنتعلم منها عشان ما نقعش في اخطاء اللي سبقون الدارك ويب بعبع العصر وهو بعبع فعلا كارثه مستخبيه ما حدش يعرف تعرف عنها حاجه احنا بقى نزلنا في الحفره دي وجبنا لكم كل خباياها من اول بيع المخدرات لحد بيع الاعضاء والحلقه

كانت صدمه ورعبت كل الناس حتى انا ما هو لما البنات يبقى ليها صور وفيديوهات بتتباع هناك وهم اصلا ما يعرفوش يبقى ده الرعب الحقيقي ناس مرضى بيدفعوا الاف الدولارات عشان يتفرجوا على طفل بيتعذب ولا بيتقطع والحلقه على قد ما كانت بتوجع

على قد ما اتشافت وجابت 17 مليون فيو واوعدكم طول ما احنا موجودين هنفضل نفضل نفضح لكم اي حد بيفكر ياذيكم بس بعد الحلقه دي بقى قلنا نرجع للتاريخ شويه قبل ما تنسوا اننا برنامج تاريخي اصلا وعملنا حلقه بليغ حمدي صحيح كانت حلقه مليانه

اغاني وفن بس برده ما نسيناش نرد على اشهر سؤال في حياه بليغ فهل فعلا قتل بليغ حمدي سميره مليان فهمتوا بقى اننا بنسال السؤال اللي شاغل دماغكم وبنجاوب لكم عليه ومش معنى اننا بنطرح سؤال تبقى هي دي الاجابه ما تتعب نفسك شويه وتتفرج على الحلقه

وتعرف الاجابه سهله اهي بس هي اصل الترندات والريتش مغريه برده عند بعض الناس يلا هم بياكلوا عيش بس احنا مش مسامحين اصل اتهام الناس بالباطل مش حاجه سهله لا عندنا ولا عند ربنا نظريات المؤامره في الدنيا كتير قوي اشي ما

طلعناش القمر واشي كورونا مؤامره وطبعا الارض مسطحه ولا قرويه وبعيد عنكم دخلنا في جدال لا لنا فيه لا نقه ولا جمل كبرتوا الموضوع قوي يا اخوانا وقلبتوه ديني وايات قران وانت ملحده وخلي العلماء بتوعك

ينفعوا وكي وانا مالي يا اخويا ان شاء الله تطلع مثلثه ادينا عايشين وخلاص ولا هو جر شكل والسلام انا كل اللي عملته اني قلت لكم اللي قال كده واللي قال كده حشرتوني انا في الخناقه ليه الله وانا مالي يا لم بس اللي شفع لكم ان الحلقه جابت 15 مليون مسلسل ورد وشيكولاته

وفيديوهات ام شيماء جابت لي فكره الحلقه صعبه جدا ازواج قتلوا بعض والحلقه كانت كلها ذبح وتقطيع وجثث وانا بكتبها كان عندي تحدي كبير جدا يا اما اطلع لكم حلقه اتنكد عليكم يا اما اخففها بحسي الفكاهي

والحقيقه اني اختارت اني ما انكدش عليكم وده مش عشان طيب الزايده لا ده عشان كنت عارفه اني هنكد عليكم جامد بالحلقه اللي بعديها اغتصاب في كيجي 2 اللي اثرت جدا في الناس لدرجه انهم طلبوا مني اني ما احتفلش بنجاح الحلقه في الستوري زي ما بعمل كل

حلقه لان الحلقه كانت صعبه فعلا وانا احترمت ده جدا وما احتفلتش وهو الفيسبوك اصلا ما استحملهاش ووقفها على 4 مليون بس واليوتيوب ادنى عليها هي واللي قبليها انذار اساسا كيوت يا حبايبي ما بيتحملوش التقطيع ونيجي بقى للحلقه اللي قلبت

الدنيا لما نزل اعلان فيلم الست كان كل النقد ان منى زكي مش شبه ام كلثوم وده نقد عادي جدا وانا شفت الفيلم في مشاهده خاصه قبل ما يتعرض عشان اعرف اعمل لقائي مع احمد مراد والحقيقه وبمنتهى الصراحه الفيلم عجبني انا حره بقى لكن بصراحه اكث

اللقاء اتصور قبل عرض الفيلم ما كانش اتعرض بس غير في المغرب واللي فيها احمد مراد قال الجمله اللي زعلت الناس كلها منه ومن هنا بقى بدا الهجوم العنيف على الفيلم وبالرغم انه حاول يبراق نفسه او يشرح وجهه نظره الا ان الناس رفضت تسمعه اصلا ولما

نزل الفيلم في مصر الهجوم كان عنيف قوي ودي حاجه غريبه لان ده في الاول ولا في الاخر فيلم وعمرنا ما شفنا كم الهجوم ده على فيلم لكن خلوني برده اعترف اعتراف اني كنت غلطانه اني عملت الحوار قبل ما اشوف رد فعل الجمهور واعتمدت بس على ان الفيلم

عجبني لكن الاكيد ان اللقاء لو كان اتصور بعد راي الجمهور كان هيبقى مختلف تماما وده مش لاني عندي ازدواجيه في المعايير لا ده لاني اكيد كنت هسال في الحاجات اللي ضايقه الناس لان المذيع في الاخر دوره ينقل وجهه نظر الجماهير مش وجهه نظره هو

لكن المؤلم بجد اني اتشتمت واتهمت باني شربت شاي بالياسمين وانا اقسم بالله ما اعرف طعمه حتى واتهامات بالعماله والخيانه والرشوه من مين ايه ده انتوا ازاي كده بجد ازاي بتنسوا تعب ومجهود سنين قدم نا لكم

فيها حلقات فادتكم وفهمتكم ووعتكم في الاخر بقينا مرتشين وبعدين بتتهمونا احنا في ام كلثوم اللي عملنا عنها حلقتين ردينا فيهم على كل الاشاعات والسراعات اللي دخلتها وما تزعلوش مني بقى وهقولها ورزقي على الله هو احمد مراد ده مش كان قبل فيلم

الست الكاتب الكبير المشهور صاحب الروايات الاكثر مبيعا والافلام الاكثر مشاهده الفيل الازرق واحد واثنين وتراب الماس وكيرا والجن خلاص بقى اوحش واحد في الدنيا واللي يستضيفه يبقى خاين وعميل طب وانتم

يا اللي عارفيني كويس ما فكرتوش انه لو كان احمد مراد انسان وحش وانتم اصلا بتكرهوه انا كنت هعمل معاه لقاء في القصه وما فيها ولاول مره بنستضيف حد عليكم بجد ازاي بتظلموني كده ازاي بهون عليكم بلاش ترموا التهم مع الناس من غير ما تفهموا او

تعرفوا الحقيقه لانكم مش عارفين ده ممكن يكون تاثيره ايه عليهم وعلى اهاليهم واحنا في الاول وفي الاخر بني ادمين انا مش رابط ولا شاد جي بي تي ولا سفنجه قادره تتحمل كل الخبطات دي وكفايه اننا مستحملين اننا ما بنطلعش ترند ولا الجرايد والصفحات

بتكتب عننا غير لما تبقى الحاجه وحشه بس انما لما نعمل حاجه محترمه وتكسر الدنيا بيبقى صوت صرصور الحقل ولا حد يقول في حقنا كلمه عدله وانا كل اللي عايز اقوله اننا برنامج بيشقى وبيتعب وبيدور وبيبحث

عشانكم بس احنا والله ما محتاجين حاجه حتى لو مش هتشكرونا مش مهم بس اتقوا الله فينا وبلاش ش تظلمونا لانه من يتقي الله يجعل له مخرجا ويرزقه من حيث لا يحتسب وانا برده بحبكم ما انتوا ليكم الفضل بعد ربنا في نجاحي ونجاح البرنامج واكيد لكم الفضل

برده ان بعد تعب السنين اوصل لحلمي واحققه والحمد لله وبفضل الله قدرت افتح شركتي وي ار كريترز حلم حلمته من سنين ان يكون عندي شركه اقدر بيها اغير فكره الدعايه والاعلان والمحتوى الرقمي مش بس في مصر لا

ده في الوطن العربي كله تابعوا صفحه وي ار كريترز لان المفاجات هتبقى كبيره وكتيره واللي جاي شديد وجديد ومختلف كل سنه وانتم طيبين ويا رب عام جديد سعيد علينا وعليكم ودايما مليان نجاح وفرح وسعاده والكل قصه

حكايه وانا هقول لكم على اللي فيها كنت معاكم ريهام عياد